વિશ્વંભરી સ્તુતિ ગુજરાતી ભક્તિ પરંપરામાં માતાજી પ્રત્યેની શ્રદ્ધા, સમર્પણ અને અતૂટ વિશ્વાસને વ્યક્ત કરતી અત્યંત ભાવસભર સ્તુતિ છે. “વિશ્વંભરી સ્તુતિ”ના દરેક શબ્દમાં જગતજનની મા વિશ્વંભરીને કરેલી પ્રાર્થના અને ભક્તના હૃદયની લાગણીનો સુંદર સંગમ જોવા મળે છે. સવારની પ્રાર્થના હોય, ધાર્મિક પ્રસંગ હોય કે મનને શાંતિ આપતી ભક્તિની ક્ષણ—આ સ્તુતિનું પઠન વાતાવરણને ભક્તિમય બનાવી દે છે. આ લેખમાં આપણે વિશ્વંભરી સ્તુતિના સંપૂર્ણ ગુજરાતી લિરિક્સ (Vishwambhari Stuti Lyrics in Gujarati) સાથે તેના ભક્તિભાવ અને મહિમાને માણીશું.
વિશ્વંભરી અખિલ વિશ્વતણી જનેતા ( Vishwambhari stuti lyrics gujarati)
વિશ્વંભરી અખિલ વિશ્વતણી જનેતા,
વિદ્યાધરી વદનમાં વસજો વિધાતા;
દુર્બુદ્ધિ દૂર કરીને સદબુદ્ધિ આપો,
મામ્ પાહિ ઓ ભગવતી! ભવ દુઃખ કાપો. ||૧||
ભૂલો પડી ભવરણમાં ભટકું ભવાનિ,
સૂઝે નહિ લગીર કોઈ દિશા જવાની;
ભાસે ભયંકર વળી મનના ઉતાપો,
મામ્ પાહિ ઓ ભગવતી! ભવ દુઃખ કાપો. ||૨||
આ રંકને ઉગરવા નથી કોઈ આરો,
જન્માંધ છું જનની, હું ગ્રહી બાંહ્ય તારો;
ના શું સુણો ભગવતી, શિશુના વિલાપો,
મામ્ પાહિ ઓ ભગવતી! ભવ દુઃખ કાપો. ||૩||
મા, કર્મ-જન્મ કથની કરતાં વિચારું,
આ સૃષ્ટિમાં તુજ વિના નથી કોઈ મારું;
કોને કહું કઠિન યુગ તણો બળાપો,
મામ્ પાહિ ઓ ભગવતી! ભવ દુઃખ કાપો. ||૪||
હું કામ, ક્રોધ, મદ, મોહ થકી છકેલો,
આડંબરે અતિ ઘણો મદથી બકેલો;
દોષો થકી દુષિતના કરી માફ પાપો,
મામ્ પાહિ ઓ ભગવતી! ભવ દુઃખ કાપો. ||૫||
ના શાસ્ત્રના શ્રવણનું પયપાન પીધું,
હા, મંત્ર કે સ્તુતિ કથા નથી કાંઈ કીધું;
શ્રદ્ધા ધરી નથી કર્યા તવ નામ જાપો,
મામ્ પાહિ ઓ ભગવતી! ભવ દુઃખ કાપો. ||૬||
રે રે ભવાનિ, બહુ ભૂલ થઈ જ મારી,
આ જિંદગી થઈ મને અતિશે અકારી;
દોષો પ્રજાળી સઘળાં તવ છાપ છાપો,
મામ્ પાહિ ઓ ભગવતી! ભવ દુઃખ કાપો. ||૭||
ખાલી ન કાંઈ સ્થળ છે વિણ આપ ધારો,
બ્રહ્માંડમાં અણુ અણુ મહીં વાસ તારો;
શક્તિ ન માપ ગણવા અગણિત માપો,
મામ્ પાહિ ઓ ભગવતી! ભવ દુઃખ કાપો. ||૮||
પાપે પ્રપંચ કરવા બધી વાતે પૂરો,
ખોટો ખરો ભગવતી, પણ હું તમારો;
જાડ્યાંધકાર દૂર કરી સદબુદ્ધિ આપો,
મામ્ પાહિ ઓ ભગવતી! ભવ દુઃખ કાપો. ||૯||
શીખ સુણે રસિક છંદ જ એક ચિત્તે,
તેને થકી ત્રિવિધ તાપ ટળે ખચિત્તે;
વાઘે વિશેષ વળી અંબ તણા પ્રતાપો,
મામ્ પાહિ ઓ ભગવતી! ભવ દુઃખ કાપો. ||૧૦||
શ્રી સદગુરુ શરણમાં રહીને યજું છું,
રાત્રિદિને ભગવતી, તુજને ભજું છું;
સદભક્ત સેવકતણા પરિતાપ ચાંપો,
મામ્ પાહિ ઓ ભગવતી! ભવ દુઃખ કાપો. ||૧૧||
અંતર વિષે અધિક ઊર્મિ થતાં ભવાનિ,
ગાઉં સ્તુતિ તવ બળે નમીને મૃડાણી;
સંસારના સકળ રોગ સમૂળ કાપો,
મામ્ પાહિ ઓ ભગવતી! ભવ દુઃખ કાપો. ||૧૨||
Vishwambhari Akhil Vishwatani Janeta (Vishwambhari stuti lyrics gujarati)
Vishwambhari akhil vishwatani janeta,
Vidhyadhari vadanma vasajo vidhata;
Durbuddhi door karine sadbuddhi aapo,
Maam Pahi O Bhagwati! Bhav dukh kaapo. ||1||
Bhulo padi bhavaranma bhatku Bhavani,
Soojhe nahi lagir koi disha javani;
Bhaase bhayankar vali man na utaapo,
Maam Pahi O Bhagwati! Bhav dukh kaapo. ||2||
Aa rankne ugarva nathi koi aaro,
Janmandh chhu Janani, hu grahi baanhya taaro;
Na shu suno Bhagwati, shishuna vilaapo,
Maam Pahi O Bhagwati! Bhav dukh kaapo. ||3||
Maa, karm-janm kathani karta vichaaru,
Aa srushtima tuj vina nathi koi maaru;
Kone kahu kathin yug tano balaapo,
Maam Pahi O Bhagwati! Bhav dukh kaapo. ||4||
Hu kaam, krodh, mad, moh thaki chhakelo,
Aadambare ati ghano madthi bakelo;
Dosho thaki dushitna kari maaf paapo,
Maam Pahi O Bhagwati! Bhav dukh kaapo. ||5||
Na shaastrana shravannu paypaan pidhu,
Haa, mantra ke stuti katha nathi kai kidhun;
Shraddha dhari nathi karya tav naam jaapo,
Maam Pahi O Bhagwati! Bhav dukh kaapo. ||6||
Re re Bhavani, bahu bhool thai ja maari,
Aa jindagi thai mane atishe akaari;
Dosho prajaali saghlaan tav chhaap chhaapo,
Maam Pahi O Bhagwati! Bhav dukh kaapo. ||7||
Khaali na kai sthal chhe vin aap dhaaro,
Brahmandma anu anu mahi vaas taaro;
Shakti na maap ganva aganit maapo,
Maam Pahi O Bhagwati! Bhav dukh kaapo. ||8||
Paape prapanch karva badhi vaate pooro,
Khoto kharo Bhagwati, pan hu tamaaro;
Jaadyaandhkaar door kari sadbuddhi aapo,
Maam Pahi O Bhagwati! Bhav dukh kaapo. ||9||
Sheekh sune rasik chhand j ek chitte,
Tene thaki trividha taap tale khachitte;
Vaaghe vishesh vali Amb tana prataapo,
Maam Pahi O Bhagwati! Bhav dukh kaapo. ||10||
Shri Sadguru sharanma rahine yaju chhu,
Raatridine Bhagwati, tujane bhaju chhu;
Sadbhakt sevaktana paritaap chaampo,
Maam Pahi O Bhagwati! Bhav dukh kaapo. ||11||
Antar vishe adhik urmi thata Bhavani,
Gaau stuti tav bale namine Mrudaani;
Sansaarna sakal rog samool kaapo,
Maam Pahi O Bhagwati! Bhav dukh kaapo. ||12||
મા વિશ્વંભરીના ચરણોમાં ભક્તિભરી પ્રાર્થના
“વિશ્વંભરી અખિલ વિશ્વતણી જનેતા” સ્તુતિના દરેક શબ્દમાં ભક્તના હૃદયની વ્યથા, માતાજી પ્રત્યેનો વિશ્વાસ અને શરણાગતિનો ભાવ અનુભવાય છે. જીવનની મુશ્કેલીઓ, અજ્ઞાન અને મનના દુઃખમાંથી મુક્તિ માટે મા વિશ્વંભરીને કરેલી આ પ્રાર્થના ભક્તિના માર્ગે મનને સ્થિરતા અને આશ્વાસન આપે છે.
જ્યારે શ્રદ્ધાપૂર્વક વિશ્વંભરી સ્તુતિનું પઠન કરવામાં આવે છે, ત્યારે ભક્તનું મન માતાજીના ચરણોમાં સમર્પિત થઈ જાય છે. મા વિશ્વંભરી સૌના જીવનમાંથી દુઃખ, અંધકાર અને નકારાત્મકતા દૂર કરી સુખ, શાંતિ, સદબુદ્ધિ અને સમૃદ્ધિથી જીવન ભરી દે એવી હૃદયપૂર્વક પ્રાર્થના.
જય વિશ્વંભરી મા 🙏
જય અંબે મા!
